ہندوستان کے معروف عالم دین اور قلم کار مولانا ابوبکر غازی پوری اور دارالعلوم دیوبند وقف کے شیخ الحدیث مولانا خورشید عالم قضائے الہی سے انتقال فرما گئے ہیں۔ انا للہ وانا الیہ راجعون۔ میرا حضرت ابوبکر غازیپوری سے بہت پیار کا رشتہ تھا، حضرت چند سال قبل پاکستان تشریف لائے تو میں ان کا رفیق سفر تھا۔ حضرت نے ہندوستان واپسی پر اپنے دو ماہی رسالہ زمزم میں لکھا کہ مولانا الیاس اتنا سفر کرتے ہیں کہ ان کا نام ہی گھمن پڑ گیا ہے۔ اللہ تعالی ان کے درجات بلند فرمائیں اور سیئات کو حسنات سے مبدل فرمائیں۔ میں مرکز اہل السنت والجماعت اور احناف میڈیا سروس کے تمام اراکین کی طرف سے مولانا ابو بکر غازی پوری رحمہ اللہ اور مولانا خورشید عالم رحمہ اللہ کے اہل خانہ، متعلقین اور انڈیا کے تمام مسلمانوں خصوصا طلبہ اور علماء سے تعزیت کرتا ہوں اور ان کے غم میں برابر کا شریک ہوں۔ اللھم لا تحرمنا اجرہما ولا تفتنا بعدہما۔
محتاج دعا: محمد الیاس گھمن، مرکز اہل السنت والجماعت، سرگودھا