اخبار مرکز
قائد جمیعت مولانا فضل الرحمان صاحب مدظلہ العالی
کی مرکز اہل السنۃ والجماعۃ 87جنوبی سرگودہامیں آمد،پرجوش استقبال
مرکز اہل السنۃ والجماعۃ اپنی مسلکی خدمات کے حوالے سے اپنی مثال آپ ہے صحیح عقائد واعمال کا ترجمان یہ ادارہ اکابر اور مشائخ کی تائیدات کے ساتھ ترقی کی جانب گامزن ہے وقتاً فوقتاً اصحاب علم وفضل کی آمد مرکز کے ساتھ ان کی والہانہ محبت اور اظہار اطمینان وتائید کی ترجمان ہے۔آج مورخہ 16اپریل 2012ء قائد جمیعت علماء اسلام حضرت مولانا فضل الرحمان صاحب مدظلہ العالی مرکز تشریف لائے۔حضرت کی آمد پر متکلم اسلام حضرت مولانا محمد الیاس گھمن صاحب حفظہ اللہ،اساتذہ مرکز اور متخصصین نے ان کا پر جوش استقبال کیا۔مرکز کے مختلف شعبہ جات سے متعارف کرواتے ہوئے کا معائنہ کرتے ہوئے متکلم اسلام حضرت مولانا محمد الیاس گھمن صاحب حفظہ اللہ نے ادارہ کی کارکردگی کی گارگزاری سنائی جسے سن کر قائد جمیعت علماء اسلام حضرت مولانا فضل الرحمان صاحب مدظلہ العالی نے انتہائی مسرت کا اظہارفرمایا اور اس مبارک کام کی کامیابی اور عنداللہ وعندالناس مقبولیت کے لیے دعا فرمائی قائد جمیعت کی آمد پر اراکین مرکز اور احناف میڈیا سروس انتہائی پر مسرت ہیں جمیعت علماء اسلام کی کاوشوں اور قائد جمیعت مدظلہ کی عظیم جد وجہد کے لیے دعا گو ہیں کہ اللہ رب العزت انہیں ثمر بار کرے۔اور ایک بار اس ملک عزیز میں اسلامی نظام کی بہاریں دیکھنا نصیب فرمائے۔آمین ثم آمین